ചവറ: വീടിന് പുറത്ത് ഉറങ്ങുകയായിരുന്ന 17കാരിയെ യുവാവ് കടന്നുപിടിക്കാൻ ശ്രമിച്ചു. പൊലീസിൽ പരാതിനൽകിയ പെൺകുട്ടിയെ യുവാവിെൻറ മാതാവും ബന്ധുക്കളും ചേർന്ന് ഉപദ്രവിച്ചു. തുടർന്ന് ആത്മഹത്യശ്രമം നടത്തിയ പെൺകുട്ടി ജില്ല ആശുപത്രിയിൽ ചികിത്സ തേടി. നീണ്ടകരയിൽ അപ്പൂപ്പെൻറയും അമ്മൂമ്മയുടെയും സംരക്ഷണയിൽ കഴിയുന്ന പെൺകുട്ടിക്ക് നേരെ കഴിഞ്ഞ ബുധനാഴ്ച പുലർച്ചെയായിരുന്നു സംഭവം. തകർന്ന വീടായതിനാൽ വീടിന് പുറത്താണ് വീട്ടുകാർക്കൊപ്പം കുട്ടി ഉറങ്ങിയിരുന്നത്. ഈസമയം ജോയി എന്നയാളെത്തി കടന്നുപിടിക്കുകയായിരുന്നെന്ന് പെൺകുട്ടി ചവറ പൊലീസിന് നൽകിയ പരാതിയിൽ പറയുന്നു. ഇതേതുടർന്ന് യുവാവിെൻറ മാതാവും രണ്ട് ബന്ധുക്കളും ഇവരുടെ വീട്ടിലെത്തുകയും ഭീഷണിപ്പെടുത്തുകയും ഉപദ്രവിക്കുകയും ചെയ്തു. ഇതിെൻറ മനോവിഷമത്തിലാണ് പെൺകുട്ടി ആത്മഹത്യശ്രമം നടത്തിയത്. പെൺകുട്ടിയുടെയും വീട്ടുകാരുടെയും പരാതിയിൽ യുവാവും മാതാവുമുൾെപ്പടെ നാലുപേർക്കെതിരെ ചവറ പൊലീസ് കേസെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.