തിരുവനന്തപുരം: നാടിനെ തകര്ച്ചയിലേക്ക് നയിക്കുന്ന ഗൂഢശക്തികളില് ഏറ്റവും ശക്തരാണ് ലഹരിമരുന്ന് മാഫിയയെന്ന് മുഖ്യമന്ത്രി പിണറായി വിജയന്. യുവാക്കളെയും വിദ്യാര്ഥികളെയും ഇവര് ലക്ഷ്യമിടുന്നുണ്ടെന്നും ഇത്തരക്കാര്ക്കെതിരെ സര്ക്കാര് ശക്തമായ നടപടി സ്വീകരിക്കുമെന്നും മുഖ്യമന്ത്രി പറഞ്ഞു. എക്സൈസ് വകുപ്പ് സംഘടിപ്പിച്ച അന്താരാഷ്ട്ര ലഹരി വിരുദ്ധ ദിനാചരണത്തിെൻറ സംസ്ഥാനതല ഉദ്ഘാടനം നിശാഗന്ധി ഓഡിറ്റോറിയത്തില് നിർവഹിക്കുകയായിരുന്നു അദ്ദേഹം. ലഹരി വിരുദ്ധ ബോധവത്കരണം കൂടുതല് ശക്തിപ്പെടുത്തും. ലഹരി ഉപയോഗിക്കില്ലെന്നും ലഹരിവിരുദ്ധ പ്രവര്ത്തനങ്ങളില് പങ്കാളികളാകുമെന്നും വിദ്യാര്ഥികള് ദ്യഢപ്രതിജ്ഞയെടുക്കണമെന്നും അദ്ദേഹം പറഞ്ഞു. ലഹരിവിരുദ്ധ പ്രവര്ത്തനങ്ങളില് മികച്ച പ്രകടനം കാഴ്ചെവച്ച സ്ഥാപനങ്ങള്ക്കും ക്ലബുകള്ക്കുമുള്ള പുരസ്കാരങ്ങള് മുഖ്യമന്ത്രി വിതരണം ചെയ്തു. മയക്കുമരുന്നിെൻറ വ്യാപനം നാടിെൻറ പുരോഗതിയെ തടയുമെന്ന് ചടങ്ങിൽ അധ്യക്ഷതവഹിച്ച മന്ത്രി സി. രവീന്ദ്രനാഥ് പറഞ്ഞു. ലഹരിവിരുദ്ധ പ്രചാരണത്തിെൻറ ഭാഗമായി എക്സൈസ് വകുപ്പ് സംഘടിപ്പിക്കുന്ന ഓപണ് ക്യാന്വാസിെൻറ ഉദ്ഘാടനം മന്ത്രി രാമചന്ദ്രന് കടന്നപ്പള്ളി നിര്വഹിച്ചു. കെ. മുരളീധരന് എം.എല്.എ, മേയര് വി.കെ. പ്രശാന്ത്, ജില്ല പഞ്ചായത്ത് പ്രസിഡൻറ് വി.കെ. മധു, എക്സൈസ് വകുപ്പ് സെക്രട്ടറി ടോം ജോസ് എന്നിവർ സന്നിഹിതരായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.