കിളികൊല്ലൂര്: ബൈക്കുകള് തമ്മില് ഉരസിയതുമായി ബന്ധപ്പെട്ട് യുവാവിനെ വെട്ടിപ്പരിക്കേല്പിച്ച സംഭവത്തില് രണ്ടുപേരെ കിളികൊല്ലൂര് പൊലീസ് അറസ്റ്റ് ചെയ്തു. കിളികൊല്ലൂര് കന്നിമേല്ചേരി ചേരിയില് വീട്ടില് രാജീവ് (32), മീനയില് കടവ് വാകയില് വീട്ടില് ഷെഫീക്ക് (31) എന്നിവരെയാണ് അറസ്റ്റ് ചെയ്തത്. ഒരാഴ്ച മുമ്പ് ചേരീയില് ക്ഷേത്രത്തിന് സമീപത്തെ ഓടക്ക് സമീപം രാത്രിയില് ബൈക്കില് വരുകയായിരുന്ന പ്രതീക്ഷ നഗറില് ഷാനവാസിനെ ബൈക്ക് ഉരസിയെന്ന കാരണത്താല് വെട്ടിപ്പരിക്കേല്പിക്കുകയായിരുന്നു. സംഭവത്തിനു ശേഷം ഒലിവില് പോയ പ്രതികള് അയത്തില് അപ്സര നഗറില് എത്തിയെന്ന രഹസ്യവിവരത്തെ തുടര്ന്ന് കിളികൊല്ലൂര് സ്റ്റേഷന് ഓഫിസര് വിനോദ് ചന്ദ്രന്, എസ്.ഐ അനില്കുമാര്, നജിമുദ്ദീന്, സാജന് പിള്ള, താഹ എന്നിവരടങ്ങുന്ന സംഘം പിടികൂടുകയായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.