കൊല്ലം: കോളനി പരിസരം, കടവ് എന്നിവ കേന്ദ്രീകരിച്ച് കഞ്ചാവ് വിൽപന നടത്തി വന്നയാളെ എക്സൈസ് സംഘം പിടികൂടി. പെരുമ്പുഴ എല്ലുകുഴി കോളനിയിൽ ഹക്കിമുദ്ദീനെ (30) ആണ് എക്സൈസ് സി.ഐ ഐ. നൗഷാദിെൻറ നേതൃത്വത്തിൽ അറസ്റ്റ് ചെയ്തത്. വിൽപന നടത്തി ലഭിച്ച 2200 രൂപയും ബൈക്കും പടിച്ചെടുത്തു. കോളനികൾക്ക് സമീപമുള്ള കാടുപിടിച്ച സ്ഥലങ്ങളിൽ ആരുമറിയാതെ കഞ്ചാവ് വലിക്കുവാനുള്ള സൗകര്യം ഒരുക്കി അവിടേക്ക് യുവാക്കളേയും വിദ്യാർഥികളെയും ആകർഷിച്ച് വിൽപന നടത്തുന്നതാണ് ഇയാളുടെ രീതി. 5000 രൂപക്ക് കഞ്ചാവ് വാങ്ങി 100 ചെറുപൊതികളായി പൊതി ഒന്നിന് 300 രൂപ നിരക്കിലാണ് വിൽപന നടത്തുന്നതെന്ന് പ്രതി ചോദ്യംചെയ്യലിൽ സമ്മതിച്ചു. കോളനികൾ കേന്ദ്രീകരിച്ച് വൻ തോതിൽ കഞ്ചാവ് വിൽപന നടക്കുന്നുവെന്ന വിവരത്തിെൻറ അടിസ്ഥാനത്തിലാണ് എക്സൈസ് സംഘം അന്വേഷണം നടത്തിയത്. പ്രതിയെ കോടതിയിൽ ഹാജരാക്കി. പ്രിവൻറിവ് ഓഫിസര് ആർ. സുരേഷ്ബാബു, സിവിൽ എക്സൈസ് ഓഫിസർമാരായ ബിജുമോൻ, രഞ്ജിത്, സതീഷ് ചന്ദ്രൻ, അനിൽ, ഡ്രൈവർ ദിലീപ് എന്നിവരും പരിശോധനയിൽ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.