കൊട്ടിയം: തഴുത്തലയിൽ ആളില്ലാത്ത വീട്ടിൽനിന്ന് സ്വർണവും പണവും കവർന്ന സംഭവത്തിൽ പ്രതികളുടെ വിരലടയാളം പൊലീസിന് ലഭിച്ചു. ഇതുപയോഗിച്ച് പ്രതികളെ ഉടൻ പിടികൂടാനാകുമെന്നാണ് പൊലീസ് കരുതുന്നത്. തിങ്കളാഴ്ച രാത്രിയാണ് തഴുത്തല ഗണപതി ക്ഷേത്രത്തിന് സമീപം അശ്വതി മന്ദിരത്തിൽ ബാഹുലേയെൻറ വീട്ടിൽനിന്ന് 20 പവൻ സ്വർണവും പണവും മോഷ്ടാക്കൾ അപഹരിച്ചത്. ചൊവ്വാഴ്ച വീട്ടുകാർ എത്തിയപ്പോഴാണ് മോഷണവിവരം അറിയുന്നത്. മോഷണം നടന്ന വീട്ടിൽ ചാത്തനൂർ എ.സി.പി ജവഹർ ജനാർദിെൻറ നേതൃത്വത്തിൽ ബുധനാഴ്ചയും പരിശോധന നടത്തി തെളിവുകൾ ശേഖരിക്കുകയും വീട്ടുകാരിൽനിന്ന് വിവരങ്ങൾ ചോദിച്ചറിയുകയും ചെയ്തു. മോഷണവിവരം അറിഞ്ഞെത്തിയ പൊലീസിെൻറ വിരലടയാള വിദഗ്ധസംഘം നടത്തിയ പരിശോധനയിലാണ് മോഷ്ടാക്കളുടെ വിരലടയാളം ലഭിച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.