കൊല്ലം: സംസ്ഥാന അസംഘടിത തൊഴിലാളി സാമൂഹിക സുരക്ഷ ബോര്ഡില് അംഗത്വമുള്ള തൊഴിലാളികളുടെ മക്കള്ക്കുള്ള 2018-19 വര്ഷത്തെ വിദ്യാഭ്യാസ ആനുകൂല്യത്തിന് അപേക്ഷ ക്ഷണിച്ചു. എസ്.എസ്.എല്.സി ജയിച്ചതിനുശേഷം സര്ക്കാര് അംഗീകൃത സ്ഥാപനങ്ങളില് െറഗുലര് കോഴ്സില് ഉപരിപഠനം നടത്തുന്ന കുട്ടികളുടെ രക്ഷിതാക്കള് നിര്ദിഷ്ട ഫോറത്തില് ഒക്ടോബര് 10ന് മുേമ്പാ പുതിയ കോഴ്സില് ചേര്ന്ന് 45 ദിവസത്തിനകമോ ബോര്ഡിെൻറ ജില്ല എക്സിക്യൂട്ടിവ് ഓഫിസര് മുമ്പാകെ അപേക്ഷ സമര്പ്പിക്കണം. ഇപ്പോള് പഠിച്ചുകൊണ്ടിരിക്കുന്ന സ്ഥാപന മേലധികാരി അപേക്ഷ സാക്ഷ്യപ്പെടുത്തിയിരിക്കണം. ഇന്ഡസ്ട്രിയല് ട്രൈബ്യൂണല് സിറ്റിങ് കൊല്ലം: ഇന്ഡസ്ട്രിയല് ട്രൈബ്യൂണല് സെപ്റ്റംബര് നാല്, 18 തീയതികളില് പുനലൂരിലും 29ന് പീരുമേട്ടിലും മറ്റ് പ്രവൃത്തിദിവസങ്ങളില് ആസ്ഥാനത്തും തൊഴില് തര്ക്ക കേസുകളും എംപ്ലോയീസ് ഇന്ഷുറന്സ് കേസുകളും എംപ്ലോയീസ് കോമ്പന്സേഷന് കേസുകളിലും വിചാരണ നടത്തും. പ്രോവിഡൻറ് ഫണ്ട് അദാലത് കൊല്ലം: എംപ്ലോയീസ് പ്രോവിഡൻറ് ഫണ്ട് മേഖല ഓഫിസിെൻറ ആഭിമുഖ്യത്തിലുള്ള പരാതി പരിഹാര അദാലത് സെപ്റ്റംബര് 10ന് രാവിലെ 10.30 മുതല് ചിന്നക്കട പൊന്നമ്മ ചേംബേഴ്സില് നടക്കും. ഉച്ചവരെ തൊഴിലാളികള്ക്കും 2.30 മുതല് യൂനിയന് പ്രതിനിധികള്ക്കും പങ്കെടുക്കാം. പബ്ലിക് റിലേഷന്സ് ഓഫിസര്, റീജനല് ഓഫിസ്, പരമേശ്വര് നഗര്, ചിന്നക്കട, കൊല്ലം 1 വിലാസത്തില് സെപ്റ്റംബര് നാലിനകം അപേക്ഷ സമര്പ്പിക്കണമെന്ന് പി.എഫ് അസിസ്റ്റൻറ് കമീഷണര് അറിയിച്ചു. വിശദവിവരങ്ങള്ക്ക്: 0474-2767645. പി.എസ്.സി അഭിമുഖം കൊല്ലം: ജില്ലയില് വിദ്യാഭ്യാസ വകുപ്പില് യു.പി.എസ്.എ (മലയാളം മീഡിയം, കാറ്റഗറി നമ്പര് 386/14) തസ്തികയുടെ ചുരുക്കപ്പട്ടികയില് ഉള്പ്പെട്ട ഉദ്യോഗാര്ഥികളില് എസ്.ഐ.യു.സി നാടാര് സപ്ലിമെൻററി ലിസ്റ്റ് രജിസ്റ്റര് നമ്പര് 109756 മുതലുള്ള ഉദ്യോഗാര്ഥികള്ക്കും സപ്ലിമെൻററി ലിസ്റ്റ് ഒ.എക്സ്, ധീവര, ഹിന്ദു നാടാര്, ഭിന്നശേഷി വിഭാഗം എന്നീ വിഭാഗങ്ങളില് അഡ്മിറ്റ് ചെയ്ത മുഴുവന് ഉദ്യോഗാര്ഥികള്ക്കുമുള്ള അഭിമുഖം സെപ്റ്റംബര് അഞ്ച്, ആറ് തീയതികളില് പി.എസ്.സി കൊല്ലം മേഖല ഓഫിസില് നടക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.