തിരുവനന്തപുരം: വിവിധ ആവശ്യങ്ങളുന്നയിച്ച് കേരള ആശ ഹെല്ത്ത് വര്ക്കേഴ്സ് അസോസിയേഷന് സെക്രട്ടറിയറ്റിനു മുന്നില് പ്രതിഷേധക്കൂട്ടായ്മ നടത്തി. സംസ്ഥാന പ്രസിഡൻറ് വി.കെ. സദാനന്ദന് ഉദ്ഘാടനം ചെയ്തു. ആശ വര്ക്കര്മാരുടെ ജോലി പുനഃക്രമീകരിച്ച് സര്ക്കാര് പുറത്തിറക്കിയ പുതിയ സര്ക്കുലര് പിന്വലിക്കണമെന്ന് അദ്ദേഹം ആവശ്യപ്പെട്ടു. 7500 രൂപ ഓണറേറിയം നൽകാമെന്ന സര്ക്കാര് വാഗ്ദാനം നടപ്പാക്കിയില്ലെന്നും അദ്ദേഹം ആരോപിച്ചു. ആശ വര്ക്കാര്മാരെകൊണ്ട് അടിമപ്പണി ചെയ്യിക്കാനുള്ള, ജൂലൈ 27 ലെ സര്ക്കുലര് പിന്വലിക്കുക, മാന്യമായ സേവന വേതന വ്യവസ്ഥകള് പ്രഖ്യാപിക്കുക, ആശ വര്ക്കാര്മാരെ സ്ഥിരപ്പെടുത്തുക, മിനിമം വേതനം 18000 രൂപ നല്കുക തുടങ്ങിയ ആവശ്യങ്ങളുന്നയിച്ചായിരുന്നു പ്രതിഷേധം. സെക്രട്ടറി എം.എ. ബിന്ദു, കണ്വീനര് എസ്. മിനി, ജി.ആര്. സുഭാഷ് എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.