പുനലൂർ: പുനലൂർ താലൂക്കിലെ റേഷൻ കടകളിൽനിന്ന് ഇ-പോസ് യന്ത്രം വഴി റേഷൻ വാങ്ങാൻ കാർഡുടമയോ കാർഡിൽ ഉൾപ്പെട്ട അംഗങ്ങളോ എത്തുമ്പോൾ പൊതുവായ ഒരു മൊബൈൽ ഫോൺ നമ്പർ ഇ-പോസ് യന്ത്രത്തിൽ രേഖപ്പെടുത്തി അപ്ഡേറ്റ് ചെയ്യണമെന്ന് താലൂക്ക് സപ്ലൈ ഓഫിസർ അറിയിച്ചു. വിരൽ പതിച്ചാലുടൻ ഇ-പോസ് യന്ത്രം ഇതിനുള്ള നിർദേശം പുറപ്പെടുവിക്കുകയും യന്ത്രത്തിൽ അതിനുള്ള ഭാഗം തെളിയുകയും ചെയ്യും. ഇവിടെ മൊബൈൽ നമ്പർ അപ്ഡേറ്റ് ചെയ്താലെ റേഷൻ വിഹിതത്തിെൻറ അളവ്, ഈടാക്കിയ വില തുടങ്ങിയവ എസ്.എം.എസായി ലഭിക്കുകയുള്ളൂ. എല്ലാ റേഷൻ കാർഡുടമകളും അടിയന്തരമായി മൊബൈൽ നമ്പർ അപ്ഡേറ്റ് ചെയ്യണം. ആധാർ നമ്പർ ബന്ധിപ്പിക്കാത്ത ഗുണഭോക്താക്കൾക്ക് ഇ--പോസ് മെഷീൻ വഴിയും ആധാർ ബന്ധിപ്പിക്കാവുന്നതാണ്. മാർച്ചിലെ റേഷൻ വിഹിതം വാങ്ങാത്തവർക്ക് ഏപ്രിൽ ഏഴുവരെ വാങ്ങാവുന്നതാണ്. ഗുണഭോക്താക്കൾക്ക് മെഷീനിലൂടെ ലഭ്യമാകുന്ന ശബ്ദവിന്യാസത്തിലൂടെ റേഷൻവിഹിതത്തിെൻറ അളവ്, തുക എന്നിവ അറിയാൻ കഴിയും. ഇതുപോലെ റേഷൻ വാങ്ങുമ്പോൾ ഗുണഭോക്താക്കൾ ബിൽ കൈപ്പറ്റണം. ബില്ലിലെ അളവ്, തുക എന്നിവയുടെ കൃത്യത ഉറപ്പാക്കണം. ഇ-പോസ് മെഷീൻ വഴിയുള്ള റേഷൻ വിതരണം സുഗമമാക്കുന്നതിന് എല്ലാ ഗുണഭോക്താക്കളും സഹകരിക്കണമെന്നും ഓഫിസർ അഭ്യർഥിച്ചു. പരാതികൾ 0475 2222689 എന്ന നമ്പറിൽ അറിയിക്കണം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.