പേരൂർക്കട: യുവാവിനെ ബൈക്കിലെത്തിയ മൂന്നംഗസംഘം വെട്ടിപ്പരിക്കേൽപിച്ചു. ഒരാൾ അറസ്റ്റിൽ. പേരൂർക്കട കുടപ്പനക്കുന്ന് ഇരപ്പുകുഴി സ്വദേശി വിനോദ് വർമയെയാണ് (35) വ്യാഴാഴ്ച രാത്രി 10ന് മൂന്നംഗസംഘം വെട്ടിയത്. വിനോദിെൻറ നിലവിളിക്കേട് പരിസരവാസികളെത്തിയോടെ ആക്രമിസംഘം രക്ഷപ്പെടുകയായിരുന്നു. മുൻ വൈരാഗ്യമാണ് ആക്രമണത്തിന് പിന്നിലെന്നാണ് വിവരം. എന്നാൽ, വിനോദിനെ ആക്രമിച്ച ശേഷം ആക്രമികൾ തിരുവനന്തപുരം മെഡിക്കൽ കോളജ് ആശുപത്രിയിൽ അഡ്മിറ്റാകാൻ ശ്രമിച്ചെങ്കിലും പൊലീസ് എത്തിയതോടെ രക്ഷപ്പെട്ടു. വിനോദിെൻറ മൊഴിയുടെ അടിസ്ഥാനത്തിൽ മുഖ്യപ്രതിയെന്ന് സംശയിക്കുന്ന ശ്രീകാര്യം സ്വദേശി ആശിഷിനെ (20) പൊലീസ് വീട്ടിൽനിന്ന് രാത്രിയോടെ അറസ്റ്റ് ചെയ്തു. ഇയാളെ രാത്രി വൈകിയും ചോദ്യം ചെയ്തുവരുകയാണ്. മുഴുവൻ പ്രതികളെ ഉടൻ അറസ്റ്റ് ചെയ്യുമെന്ന് പൊലീസ് അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.