വെഞ്ഞാറമൂട്: നെഹ്റു യൂത്ത് സെൻറർ, ദൃശ്യ ഫൈൻ ആർട്സ് സൊസൈറ്റി എന്നിവയുടെ ആഭിമുഖ്യത്തിലുള്ള അഡ്വ. വെഞ്ഞാറമൂട് രാമചന്ദ്രൻ സ്മാരക 11ാമത് പ്രഫഷനൽ നാടക മത്സരം 11 മുതൽ 19 വരെ സി. ബാലൻ നഗറിൽ (വെഞ്ഞാറമൂട് നാടകമത്സര ഗ്രൗണ്ട് ) നടക്കും. 11ന് വൈകീട്ട് ആറിന് നടൻ മധു ഉദ്ഘാടനം ചെയ്യും. ഡി.കെ. മുരളി എം.എൽ.എ അധ്യക്ഷതവഹിക്കും. സി. ബാലൻ മെമ്മോറിയൽ വിദ്യാഭ്യാസ അവാർഡ്, ആർ. വേലായുധൻ നായർ മെമ്മോറിയൽ കർഷക അവാർഡ് എന്നിവ വിതരണം ചെയ്യും. തുടർന്ന്, വെഞ്ഞാറമൂട് രംഗപ്രഭാതിെൻറ 'കുഞ്ഞുണ്ണിയുടെ യാത്രാ പുസ്തകം' നാടകം അരങ്ങേറും. 19ന് വൈകീട്ട് ആറിന് സമാപന സമ്മേളനം വി.എസ്.അച്യുതാനന്ദൻ ഉദ്ഘാടനം ചെയ്യും. വെഞ്ഞാറമൂട് രാമചന്ദ്രൻ പ്രതിഭാ പുരസ്കാരം സംഗീത സംവിധായകൻ എം.കെ. അർജുനന് ശ്രീകുമാരൻ തമ്പി സമർപ്പിക്കും. തുടർന്ന് നടൻ സുരാജ് വെഞ്ഞാറമൂടിെൻറ നേതൃത്വത്തിൽ മെഗാഷോ എന്നിവ നടക്കും. വിവിധ ദിവസങ്ങളിൽ നാടകങ്ങളും സെമിനാറുകളും നടക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.