കല്ലടിക്കോട്: ദേശീയപാതയിൽ മരം വീണ് ഒരു മണിക്കൂറോളം ഗതാഗതം തടസ്സപ്പെട്ടു. വൻ ദു രന്തം തലനാരിഴക്ക് ഒഴിവായി. പാലക്കാട്-കോഴിക്കോട് ദേശീയപാതയിൽ തുപ്പനാട് ചൊവ്വാഴ്ച വൈകീട്ട് ആറ് മണിയോടെയാണ് സംഭവം. പാലക്കാട്-മണ്ണാർക്കാട്ട് റൂട്ടിൽ സർവിസ് നടത്തുന്ന സ്വകാര്യ ബസ് കടന്നുപോകുന്നതിനിടയിലാണ് അപകടമുണ്ടായത്.
മരച്ചില്ലകൾ ബസിന് മുൻഭാഗത്തെ ഗ്ലാസിൽ വീണ് ചില്ല് തകർന്നുവെങ്കിലും യാത്രക്കാർക്ക് പരിക്ക് പറ്റിയില്ല. ആളുകൾ തടിച്ചുകൂടിയതും വാഹനങ്ങളുടെ നിരയും ഗതാഗത തടസ്സമുണ്ടാക്കി. മണ്ണാർക്കാട്ടുനിന്ന് അഗ്നിശമന സേന എത്തി മരം മുറിച്ച് നീക്കി. സ്ഥലത്തെത്തിയ കല്ലടിക്കോട് പൊലീസ് ഗതാഗതം നിയന്ത്രിച്ചു. സംഭവം വൈദ്യുതി വിതരണത്തെയും ബാധിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.