പുലാമന്തോൾ: വളപുരം ജി.എം.യു.പി സ്കൂൾ വിദ്യാർഥിനി എം.ടി. അൻഷിദ ചൊവ്വാഴ്ച തിരുവനന്തപുരത്തേക്ക് യാത്ര തിരിക്കുന്നു. ശിശുദിനമായ ബുധനാഴ്ച തിരുവനന്തപുരത്ത് നടക്കുന്ന സംസ്ഥാന പെയിൻറിങ് മത്സരത്തിൽ പങ്കെടുക്കാനാണ് യാത്ര. സംസ്ഥാന ഊർജ വകുപ്പ് എനർജി മാനേജ്മെൻറ് സെൻററിെൻറ സഹകരണത്തോടെ നാഷനൽ തെർമൽ പവർ കോർപറേഷൻ (എൻ.ടി.പി.സി) സംസ്ഥാനത്തെ യു.പി, ഹൈസ്കൂൾ വിഭാഗത്തിലെ വിദ്യാർഥികൾക്കായി സംഘടിപ്പിച്ച പെയിൻറിങ് മത്സരത്തിൽ പങ്കെടുത്ത അൻഷിദക്ക് ജില്ലതലത്തിൽ ഒന്നാംസ്ഥാനം ലഭിച്ചിരുന്നു. ഇതേ തുടർന്നാണ് സംസ്ഥാനതല മത്സരത്തിൽ പങ്കെടുക്കാൻ അവസരം ലഭിച്ചത്. വളപുരം എം.ടി. അബ്ദുറഹിമാെൻറ മകളാണ്. ജില്ല, ഉപജില്ല മത്സരങ്ങളിൽ നിരവധി തവണ സമ്മാനാർഹയായിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.