വണ്ടൂർ: ജീവകാരുണ്യ പ്രവർത്തനങ്ങളുടെ ധനശേഖരണാർഥം തിരുവാലി പത്തിരിയാൽ യുവ ആർട്സ് ആൻഡ് സ്പോർട്സ് ക്ലബിെൻറ ആഭിമുഖ്യത്തിൽ ഫൈവ്‌സ് ഫ്ലഡ്ലിറ്റ് ഫുട്ബാൾ ടൂർണമെൻറ് നടക്കും. മേളയുടെ ഉദ്‌ഘാടനം ശനിയാഴ്ച വൈകീട്ട് 7.30ന് എ.പി. അനിൽകുമാർ എം.എൽ.എ നിർവഹിക്കുമെന്ന് ഭാരവാഹികൾ വാർത്തസമ്മേളനത്തിൽ അറിയിച്ചു. തിരുവാലി പെയിൻ ആൻഡ് പാലിയേറ്റിവ് കെയർ, യുവ ചാരിറ്റബിൾ ട്രസ്റ്റ് എന്നിവയുടെ ധനശേഖരണാർഥമാണ് ടൂർണമെൻറ് സംഘടിപ്പിക്കുന്നത്. ഒരുമാസം നീളുന്ന മേളയിൽ വിദേശ താരങ്ങളടക്കം പങ്കെടുപ്പിച്ച് 24 ടീമുകൾ മാറ്റുരക്കും. രാത്രി എട്ടിനാണ് മത്സരങ്ങൾ ആരംഭിക്കുക. ഉദ്‌ഘാടന ചടങ്ങിൽ പഞ്ചായത്ത് പ്രസിഡൻറ് എ. കോമളവല്ലി, എടവണ്ണ എസ്.ഐ ശിവദാസൻ എന്നിവർ സംബന്ധിക്കും. വാർത്തസമ്മേളനത്തിൽ ടൂർണമെൻറ് കമ്മിറ്റി ചെയർമാൻ എ.എം. ഷാനവാസ്, കൺവീനർ കെ. ശറഫുദ്ദീൻ, കെ. സൈത് അലി, സി.ടി. ജിൽഷാർ കരീം എന്നിവർ സംബന്ധിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.