വാഴക്കാട്: ജന്മദിനാഘോഷത്തിെൻറ പേരിൽ സഹപാഠിയെ ഷർട്ടൂരി സ്കൂൾ ഗേറ്റിൽ കെട്ടിയിട്ട് ദേഹത്ത് വൈറ്റ് സിമൻറ് വിതറി കൂട്ടുകാരുടെ ക്രൂരത. ജന്മദിനാഘോഷത്തിന് പുതുമ കൊണ്ടുവരാനുള്ള ശ്രമമാണ് കളികാര്യമായത്. വൈറ്റ് സിമൻറ് വിതറി വെള്ളമൊഴിക്കുന്ന രംഗം മൊബൈലില്‍ പകര്‍ത്തി സമൂഹമാധ്യമങ്ങളില്‍ പ്രചരിപ്പിക്കുകയും ചെയ്തു. വാഴക്കാട് ഗവ. ഹയര്‍ സെക്കൻഡറി സ്‌കൂളിലാണ് സംഭവം. തമാശക്ക് ചെയ്തതെന്നാണ് വിദ്യാർഥികൾ പറയുന്നത്. സംഭവം വിവാദമായതോടെ അധികൃതര്‍ നടപടിക്ക് ഒരുങ്ങുകയാണ്. സംഭവത്തില്‍ ഉൾപ്പെട്ട കുട്ടികളുടെ രക്ഷിതാക്കളുമായി വിഷയം ചര്‍ച്ച ചെയ്ത് ആവശ്യമായ നടപടി സീകരിക്കുമെന്ന് പി.ടി.എ പ്രസിഡൻറ് റഫീഖ് അഫ്‌സല്‍ പറഞ്ഞു. സംഭവത്തിൽ ഇതുവരെ ആരും പരാതി നൽകിയിട്ടില്ല. ശക്തമായ നടപടി വേണമെന്നും പൊലീസിൽ പരാതി നൽകണമെന്നും രക്ഷിതാക്കളിൽനിന്ന് ആവശ്യമുയരുന്നുണ്ട്. വാർഷിക പരീക്ഷക്ക് ശേഷം പല സ്കൂളുകളിലും ഇത്തരം ക്രൂര വിനോദങ്ങൾ അരങ്ങേറുന്നതായി ആക്ഷേപമുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.