അലനല്ലൂർ: എടത്തനാട്ടുകര ഗവ. ഓറിയൻറൽ ഹയർ സെക്കൻഡറി സ്കൂളിൽ നവീകരിച്ച ഹൈടെക് ക്ലാസ് മുറികളുടെയും പുതുതായി നിർമിച്ച ആറ് ഹയർ സെക്കൻഡറി ക്ലാസ് മുറികളുടെയും ഉദ്ഘാടനം ശനിയാഴ്ച നടക്കും. പൊതുവിദ്യാഭ്യാസ സംരക്ഷണ യജ്ഞ ഭാഗമായി സ്കൂളിലെ പി.ടി.എയുടെയും വിദ്യാലയ വികസന സമിതിയുടെയും നേതൃത്വത്തിൽ നാട്ടുകാർ, പൂർവ വിദ്യാർഥികൾ, പ്രവാസി കൂട്ടായ്മകൾ, ക്ലബുകൾ, വ്യാപാരികൾ എന്നിവരുടെ സഹകരണത്തോടെ 55 ക്ലാസ് മുറികളാണ് ഹൈടെക് നിലവാരമുള്ളതാക്കി മാറ്റിയത്. മന്ത്രി കെ.ടി. ജലീൽ ഉദ്ഘാടനം ചെയ്യും. അഡ്വ. എൻ. ഷംസുദ്ദീൻ എം.എൽ.എ അധ്യക്ഷത വഹിക്കും. ജില്ല പഞ്ചായത്ത് പ്രസിഡൻറ് അഡ്വ. കെ. ശാന്തകുമാരി മുഖ്യാതിഥിയാകും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.