മണ്ണാർക്കാട്: സമൂഹമാധ്യമ ഹർത്താലിൽ എട്ടുപേരെക്കൂടി മണ്ണാർക്കാട് പൊലീസ് അറസ്റ്റ് ചെയ്തു. ഇതോടെ സംഭവത്തിൽ പൊലീസ് പിടികൂടിയവരുടെ എണ്ണം 47 ആയി. തിരുവിഴാംകുന്ന് സ്വദേശി ഹർഷദ് (22), ചിറക്കൽപടി സ്വദേശികളായ മുഹമ്മദ് നിയാസ് (34), ഷാഹിദ് (27), നൗഫൽ (22), മുഹമ്മദ് നവാസ് (24), മുഹമ്മദ് നിഷാബ് (21), മുഹമ്മദ് ഷഹിൻ (20), മുഹമ്മദ് ഫിറോസ് (28) എന്നിവരെയാണ് പൊലീസ് തിങ്കളാഴ്ച അറസ്റ്റ് ചെയ്തത്. വീണുകിട്ടിയ സ്വർണാഭരണം ഉടമസ്ഥന് നൽകി മണ്ണാർക്കാട്: വീണുകിട്ടയ സ്വർണാഭരണം ഉടമസ്ഥന് നൽകി യുവാവ് മാതൃകയായി. മണ്ണാർക്കാട് പള്ളിപ്പടിയിൽ മാളിയേക്കൽ ഹോട്ടൽ നടത്തുന്ന ഹാരിസിനാണ് കഴിഞ്ഞ ദിവസം കടയുടെ മുന്നിൽനിന്ന് സ്വർണാഭരണം കിട്ടിയത്. തുടർന്ന് പൊലീസിലും സമൂഹമാധ്യമ ഗ്രൂപ്പുകളിലും വിവരം കൈമാറിയിരുന്നു. മണ്ണാർക്കാട് പൊലീസ് സ്റ്റേഷനിൽ സി.ഐ ഹിദായത്തുല്ല മാമ്പ്രയുടെ സാന്നിധ്യത്തിലാണ് ആഭരണം െകെമാറിയത്. രമേഷ്, പൂർണിമ, ഷമീർ, അബു എന്നിവർ സംബന്ധിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.