മലപ്പുറം: കേന്ദ്ര--സംസ്ഥാന സർക്കാറുകളുടെ ജനവിരുദ്ധ നയങ്ങൾക്കെതിരെ ഒക്ടോബർ അഞ്ചിന് യു.ഡി.എഫ് നേതൃത്വത്തിൽ രാപ്പകൽ സമരം സംഘടിപ്പിക്കും. ഒക്ടോബർ അഞ്ചിന് രാവിലെ പത്തുമുതൽ ആറിന് രാവിലെ പത്തുവരെ നടക്കുന്ന സമരത്തിന് യു.ഡി.എഫ് സംസ്ഥാന, ജില്ല, നിയോജകമണ്ഡലം നേതാക്കൾ നേതൃത്വം നൽകും. സമരം വിജയിപ്പിക്കുന്നതിന് യു.ഡി.എഫ് ജില്ല ഭാരവാഹികളുടെ യോഗം അഭ്യർഥിച്ചു. ഡി.സി.സി പ്രസിഡൻറ് വി.വി. പ്രകാശ് അധ്യക്ഷത വഹിച്ചു. മുസ്ലിംലീഗ് സംസ്ഥാന ജനറൽ സെക്രട്ടറി കെ.പി.എ. മജീദ്, പി.വി. അബ്ദുൽ വഹാബ് എം.പി, എ.പി. അനിൽകുമാർ എം.എൽ.എ, അഡ്വ. യു.എ. ലത്തീഫ്, ഇ. മുഹമ്മദ്കുഞ്ഞി, അഡ്വ. നാലകത്ത് സൂപ്പി, സബാഹ് പുൽപ്പറ്റ, കെ.പി. അബ്ദുൽമജീദ്, സലീം കുരുവമ്പലം, വെന്നിയൂർ മുഹമ്മദ്കുട്ടി, ഒ.ജെ. ബിജു, വി.എ. കരീം, കെ.എം. ഗിരിജ, ഇസ്മായീൽ മൂത്തേടം എന്നിവർ സംസാരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.