കോട്ടക്കൽ: വയോധികെൻറ മൃതദേഹം കിണറ്റിൽ കണ്ടെത്തിയ സംഭവത്തിൽ ദുരൂഹതയൊഴിയാതെ നാട്ടുകാർ. എടരിക്കോട് അരീക്കലിൽ ഞായറാഴ്ച രാവിലെയാണ് മൃതദേഹം കണ്ടത്. പൊതുവഴിയല്ലാത്ത ഭാഗത്തെ ഒഴിഞ്ഞ പറമ്പിലാണ് കിണർ. രാത്രി സമയത്താണ് തഞ്ചാവൂർ സ്വദേശിയായ വയോധികൻ ഈ ഭാഗത്ത് എത്തിയതെന്നാണ് കരുതുന്നത്. നിരവധി വീടുകളുള്ള ഭാഗമാണിത്. കിണറിനോട് ചേർന്നുള്ള മതിലിെൻറ കല്ല് അടർന്ന നിലയിലാണ്. മതിൽ ചാടിക്കടന്നപ്പോൾ കിണറ്റിൽ വീണതാകാമെന്നാണ് നിഗമനം. അസമയത്ത് എന്തിന് ഈ വഴി വന്നുവെന്നാണ് നാട്ടുകാരുടെ സംശയം. കിണറ്റിൽ മൃതദേഹം കണ്ടെത്തിയെന്ന വാർത്ത പരന്നതോടെ നിരവധി പേരാണ് ഇവിടെ എത്തിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.