ആനക്കര: ആനക്കരയിൽനിന്ന് രാവിലെയുള്ള ബസ് സർവിസ്നിർത്തലാക്കിയതോടെ യാത്രികർ വലഞ്ഞു. ആനക്കരയിൽനിന്ന് രാവിലെ 6.25ന് എടപ്പാളിലേക്ക് പോകുന്ന ബസാണ് ഉടമ നിർത്തിയിട്ടിരിക്കുന്നത്. നിരവധി ദീർഘദൂര യാത്രക്കാർക്ക് കുറ്റിപ്പുറം റെയിൽവേ സ്റ്റേഷനിലേക്കും മറ്റും പോകുന്നതിന് ഏറെ ഉപകരിച്ചിരുന്നു. എന്നാൽ, ഒരു മാസത്തോളമായി ഈ ബസ് ആനക്കരയിൽനിന്ന് തുടങ്ങുന്നതിന് പകരം എടപ്പാളിൽ നിന്നാണ് സർവിസ് നടത്തുന്നതെത്ര. നിലവിൽ പറക്കുളത്തുനിന്ന് ആരംഭിച്ച് ആനക്കര വഴി എടപ്പാളിലേക്ക് സർവിസ് നടത്തുന്നതിനാണ് അനുമതിയുള്ളത്. എന്നാൽ, ആളില്ലാത്ത കാരണം പറഞ്ഞ് വെട്ടിച്ചുരുക്കി ആനക്കരയിൽനിന്ന് തുടങ്ങുകയായിരുന്നു. അതാണിപ്പോൾ വീണ്ടും വെട്ടിച്ചുരുക്കിയിട്ടുള്ളത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.