പെരിന്തല്‍മണ്ണ: ജോലിക്കുനിന്ന വീട്ടില്‍നിന്ന് സ്വര്‍ണാഭരണങ്ങള്‍ മോഷ്ടിച്ച് വിറ്റുവെന്ന കേസില്‍ ജോലിക്കാരി അറസ്റ്റില്‍. അങ്ങാടിപ്പുറം ഓരാടംപാലം മുതുവറത്തൊടി സതിയെയാണ് (43) അറസ്റ്റുചെയ്തത്. പെരിന്തല്‍മണ്ണ എസ്.എം.യു.പി സ്‌കൂളിന് സമീപത്തെ വീട്ടിലാണ് ജോലിക്ക് നിന്നിരുന്നത്. ഇവിടെനിന്ന് അരപവൻ തൂക്കമുള്ള മോതിരവും മൂന്നുപവ‍െൻറ സ്വര്‍ണവും നഷ്ടപ്പെട്ടതായ പരാതിയിലാണ് അറസ്റ്റ്. പെരിന്തല്‍മണ്ണ മജിസ്‌ട്രേറ്റ് കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു. ഗ്രേഡ് എസ്.ഐ ജോര്‍ജ്, വനിത സിവില്‍ പൊലീസ് ഓഫിസര്‍മാരായ ജയമണി, ആമിന എന്നിവരാണ് പ്രതിയെ അറസ്റ്റ് ചെയ്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.