പാണ്ടിക്കാട്: കരനെൽകൃഷിയിൽ വിജയം കൊയ്ത് ഡോക്ടർ പി.എ. നൗഷാദ്. കരിപാറയിലെ ഒരേക്കർ തരിശുഭൂമിയിൽ ഡോക്ടർ, പാണ്ടിക്കാട് കൃഷിഭവെൻറ സഹായത്തോടെ ഉമയിനത്തിലെ വിത്താണ് ഇറക്കിയത്. കൃഷിയെ പ്രോത്സാഹിപ്പിക്കുന്നതിനായി ഇൻസ്റ്റിറ്റ്യൂട്ട് ഓഫ് ഹോമിയോപത് മഞ്ചേരി യൂനിറ്റിലെ ഡോക്ടർമാരെ ഉൾപ്പെടുത്തി പച്ചക്കറി കൃഷിയും നടത്തുന്നുണ്ട്. വീട്ടാവശ്യത്തിനുള്ള പച്ചക്കറികൾ ഡോ. നൗഷാദ് സ്വന്തമായി ഉൽപാദിപ്പിക്കാറാണ് പതിവ്. നെല്ല് വിളവെടുത്തുകഴിഞ്ഞാൽ ആ സ്ഥലത്ത് കാബേജും ക്വാളിഫ്ലവറും ഉണ്ടാക്കുമെന്ന് ഡോക്ടർ പറഞ്ഞു. പച്ചക്കറികൾക്ക് പുറമെ മുന്തിരി, റംബൂട്ടാൻ തുടങ്ങിയ പഴങ്ങളും ഡോക്ടറുടെ കൃഷിഭൂമിയിൽ വിളയുന്നുണ്ട്. ആയുർവേദ ഡോക്ടറായ ഭാര്യ ഡോ. ഇൽമുന്നീസയും കൃഷിയിൽ സഹായിക്കുന്നു. ഫോട്ടോ - വിളഞ്ഞുനിൽക്കുന്ന കൃഷിയിടത്തിൽ ഡോ. പി.എ. നൗഷാദും കുടുംബവും
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.