പൊന്നാനി: തവനൂർ മേഖലയിൽ അനധികൃത മദ്യവിൽപന നടത്തിയയാളെ എക്സൈസ് പിടികൂടി. തവനൂർ കായൽവക്കത്ത് ഹംസയെയാണ് 15 ലിറ്റർ മദ്യവുമായി പിടികൂടിയത്. കഴിഞ്ഞ ആറുമാസമായി ഇയാൾ അനധികൃതമായി മദ്യവിൽപന നടത്തുന്നുണ്ടെന്ന വിവരത്തിെൻറ അടിസ്ഥാനത്തിലാണ് എക്സൈസ് പിടികൂടിയത്. ബിവറേജിൽനിന്ന് മദ്യം വാങ്ങി വീട്ടിലും ബൈക്കിലും കൊണ്ടുനടന്ന് വിൽക്കുകയായിരുന്നു ഇയാളെന്ന് എക്സൈസ് പറഞ്ഞു. എക്സൈസ് പ്രിവൻറിവ് ഓഫിസർ കെ. ജാഫർ, സിവിൽ ഓഫിസർമാരായ മൊയ്തീൻകോയ, പി.പി. പ്രമോദ്, വി.പി. പ്രമോദ്, എം.സി. വിനേഷ് എന്നിവർ ചേർന്നാണ് ഇയാളെ പിടികൂടിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.