കള്ളൻ സി.സി.ടി.വിയുടെ മെമ്മറി നശിപ്പിച്ച് രക്ഷപ്പെട്ടു തിരൂർ: മോഷണശേഷം സ്ഥാപനത്തിലെ സി.സി.ടി.വിയുടെ മെമ്മറികാർഡ് നശിപ്പിച്ച് കവർച്ചസംഘം രക്ഷപ്പെട്ടു. തിരൂർ ഗൾഫ് മാർക്കറ്റിലെ എ.വി.കെ ഗൾഫ് സെലക്റ്റ് എന്ന സ്ഥാപനത്തിലാണ് സംഭവം. ഷട്ടർ തകർത്ത് അകത്തുകടന്ന സംഘം ഷോപ്പിെൻറ ഗ്ലാസ് നശിപ്പിച്ചാണ് കവർച്ച നടത്തിയത്. 46,000 രൂപയും രണ്ട് ലാപ്ടോപ്പും നഷ്ടമായി. കൗണ്ടറിൽ സൂക്ഷിച്ചിരുന്നതാണ് പണം. മൊത്തം രണ്ട് ലക്ഷത്തിലേറെ രൂപയുടെ നഷ്ടമുണ്ട്. സ്ഥലത്തെത്തിയ പൊലീസ് നായ കാക്കടവ് വരെ മണം പിടിച്ചോടി. ഇല്ലത്തപ്പാടം സ്വദേശി ഇയാത്തിയിൽ അലവിക്കുട്ടിയുടേതാണ് കട. ചൊവ്വാഴ്ച രാവിലെ കട തുറക്കാനെത്തിയപ്പോഴാണ് സംഭവമറിയുന്നത്. എസ്.ഐ സുമേഷ് സുധാകറിെൻറ നേതൃത്വത്തിൽ അന്വേഷണം തുടങ്ങി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.