ഷൊർണൂർ: കൂടിയാട്ടത്തിൽ ഉപയോഗിക്കുന്ന അഭിനയ സമ്പ്രദായത്തെ മോഹിനിയാട്ടം അടക്കമുള്ള ഘടനാ സങ്കേതങ്ങളുമായി താരതമ്യപ്പെടുത്തി പഠനവിഷയമാക്കേണ്ടതാണെന്നും നർത്തക‍െൻറ ശരീരത്തി‍െൻറ ആഘോഷമാണ് അരങ്ങിൽ നടക്കുന്നതെന്നും ഉഷ നങ്ങ്യാർ. കേരള കലാമണ്ഡലം കൂത്തമ്പലത്തിൽ നടക്കുന്ന മോഹിനിയാട്ടം പരിശീലനക്കളരിയിൽ 'അഭിനയ സങ്കേതങ്ങൾ പ്രയോഗ സാധ്യതകൾ' എന്ന വിഷയത്തിൽ പ്രഭാഷണം നടത്തുകയായിരുന്നു അവർ. 'മോഹിനിയാട്ടം: അഭിനയ സാധ്യതകൾ' എന്ന വിഷയത്തിൽ ഡോ. മിനി എം. നായർ, 'വർണം -കാലാനുസൃതമാറ്റങ്ങൾ' എന്ന വിഷയത്തിൽ അക്ഷര ബിജീഷ്, 'മുദ്രാവിനിയോഗം' എന്ന വിഷയത്തിൽ കലാമണ്ഡലം കൃഷ്ണകുമാറും ക്ലാസെടുത്തു. കലാമണ്ഡലം ഹൈമവതി നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.