നിലമ്പൂർ: നിരോധിത പുകയില ഉൽപ്പന്നം ജീപ്പിൽ കടത്തുന്നതിനിടെ രണ്ടുപേർ പൊലീസ് പിടിയിലായി. വഴിക്കടവ് മുണ്ട സ്വദേശികളായ പാലപ്പറ്റ ഹനീഫ (30), പറമ്പിൽ ജംഷീർ (28) എന്നിവരെയാണ് ആനമറിയിൽ വഴിക്കടവ് എസ്.ഐയും സംഘവും പിടികൂടിയത്. ജീപ്പിൽ 500 പാക്കറ്റ് ഹാൻസാണുണ്ടായിരുന്നത്. ഹാൻസ് കടത്താൻ ഉപയോഗിച്ച ജീപ്പിന് മതിയായ രേഖകളുണ്ടായിരുന്നില്ല. ജീപ്പും പൊലീസ് കസ്റ്റഡിയിലെടുത്തു. വിദ‍്യാർഥികൾക്കും ചെറുകിട കച്ചവടകാർക്കും ലഹരി ഉൽപ്പന്നങ്ങൾ ഇവർ വിറ്റിരുന്നതായി പൊലീസ് പറഞ്ഞു. വഴിക്കടവ് എസ്.ഐ അഭിലാഷ്, എ.എസ്.ഐമാരായ എം. അസൈനാർ, അബ്ബാസ്, ജയകൃഷ്ണൻ, സി.പി.ഒമാരായ സുനിൽ, സുരേഷ് എന്നിവരാണ് പിടികൂടിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.