കോയമ്പത്തൂർ: െഎ.എസ് ബന്ധമാരോപിച്ച് അഞ്ച് യുവാക്കളെ എൻ.െഎ.എ കസ്റ്റഡിയിലെടുത്തു. വ്യാഴാഴ്ച രാത്രി പിടിയിലായ കോയമ്പത്തൂർ സ്വദേശികളായ അബ്ദുല്ല, അബ്ദുറഹ്മാൻ എന്നിവരെ കൊച്ചിയിലെ എൻ.െഎ.എ കേന്ദ്രത്തിൽ ചോദ്യം ചെയ്തുവരികയാണ്. ഇവരിൽനിന്ന് ലഭ്യമായ വിവരങ്ങളുടെ അടിസ്ഥാനത്തിലാണ് കോയമ്പത്തൂർ, തിരുപ്പൂർ ജില്ലകളിൽ അന്വേഷണസംഘം വീണ്ടുമെത്തിയത്. തിരുപ്പൂർ കാേങ്കയം റോഡ് അബ്ദുൽറസാഖ്, കോയമ്പത്തൂർ മുഹമ്മദ് അലി, പിള്ളയാർപുരം സദ്ദാം ഹുസൈൻ, കാഞ്ചിപുരം വാസിംഖാൻ, അബ്ദുറഹ്മാൻ എന്നിവരെയാണ് കസ്റ്റഡിയിലെടുത്തത്. ഇവരെ കോയമ്പത്തൂർ സിറ്റി പൊലീസ് കമീഷണർ ഒാഫിസിൽ ചോദ്യം ചെയ്തു. അതേസമയം ഉക്കടം, കോട്ടമേട്, കുനിയമുത്തൂർ, പോത്തന്നൂർ, കരിമ്പുക്കട തുടങ്ങിയ സ്ഥലങ്ങളിൽ എൻ.െഎ.എ ഇടക്കിടെ നടത്തുന്ന പരിശോധന സമാധാനജീവിതം നഷ്ടപ്പെടുത്തുന്നതായി വിവിധ മുസ്ലിം സംഘടനകൾ പരാതിപ്പെട്ടു. നഗരത്തിെൻറ വിവിധ ഭാഗങ്ങളിൽ സുരക്ഷ ശക്തിപ്പെടുത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.