അംഗീകാരമില്ലാത്ത വിദ്യാലയങ്ങൾ അടച്ചുപൂട്ടരുത് –കാന്തപുരം കോഴിക്കോട്: പിന്നാക്ക വിഭാഗത്തിെൻറ വിദ്യാഭ്യാസ പുരോഗതി ലക്ഷ്യംവെച്ച് വിവിധ സംഘടനകൾ നടത്തിവരുന്ന അംഗീകാരമില്ലാത്ത വിദ്യാഭ്യാസ സ്ഥാപനങ്ങൾ അടച്ചുപൂട്ടരുതെന്ന് കാന്തപുരം എ.പി. അബൂബക്കർ മുസ്ലിയാർ ആവശ്യപ്പെട്ടു. സമസ്ത സെൻററിൽ ചേർന്ന സമസ്ത കേരള സുന്നി വിദ്യാഭ്യാസ ബോർഡ് വാർഷിക ജനറൽ ബോഡി യോഗത്തിൽ അധ്യക്ഷപ്രസംഗം നടത്തുകയായിരുന്നു അദ്ദേഹം. ഈ വിദ്യാലയങ്ങളിൽ ഭൂരിഭാഗവും ഗുണനിലവാരവും അടിസ്ഥാന സൗകര്യമുള്ളതുമാണ്. അംഗീകാരമില്ലാത്ത വിദ്യാലയങ്ങൾ അടച്ചുപൂട്ടിയാൽ ആയിരക്കണക്കിന് വിദ്യാർഥികൾ പെരുവഴിയിലാവും. ഗുണനിലവാരവും പഠനബോധന സമ്പ്രദായവും ഭൗതിക സൗകര്യങ്ങളും വിലയിരുത്തി അംഗീകാരം നൽകണമെന്ന് കാന്തപുരം ആവശ്യപ്പെട്ടു. ഇബ്രാഹീം ഖലിലുൽ ബുഖാരി യോഗം ഉദ്ഘാടനം ചെയ്തു. പ്രഫ. എ.കെ. അബ്്ദുൽ ഹമീദ് സ്വാഗതവും പ്രഫ. കെ.എം.എ. റഹിം നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.