ബാലുശ്ശേരി: പനങ്ങാട് പഞ്ചായത്ത് പദ്ധതിവിഹിതം ഉപയോഗിച്ച് വയലട പി.എച്ച്.സിയുടെ നേതൃത്വത്തിൽ ഭിന്നശേഷിക്കാർക്ക് മുച്ചക്രവാഹനങ്ങൾ വിതരണം ചെയ്തു. പുരുഷൻ കടലുണ്ടി എം.എൽ.എ, ജില്ല പഞ്ചായത്ത് പ്രസിഡൻറ് ബാബു പറേശ്ശരി എന്നിവർ ചേർന്ന് ഉദ്ഘാടനം നിർവഹിച്ചു. തലയാട് പേര്യമല ലൈജാമണി ആദ്യ സ്കൂട്ടറിെൻറ താക്കോൽ ഏറ്റുവാങ്ങി. ആദ്യഘട്ടത്തിൽ 10 പേർക്കാണ് വാഹനങ്ങൾ നൽകിയത്‌. രണ്ടാം ഘട്ടത്തിൽ ബാക്കിയുള്ള 10 പേർക്കുകൂടി വിതരണം ചെയ്യും. പഞ്ചായത്ത് ഫണ്ടിൽ നിന്നുള്ള 7.50 ലക്ഷം രൂപ ചെലവിട്ടാണ് പദ്ധതി. പഞ്ചായത്ത് വൈസ് പ്രസിഡൻറ് പി. ഉസ്മാൻ, ബ്ലോക്ക് പഞ്ചായത്തംഗം കെ. അഹമ്മദ് കോയ, വാർഡ് മെംബർ കോട്ടയിൽ മുഹമ്മദ്, വയലട മെഡിക്കൽ ഓഫിസർ ഡോ. അബ്ബാസ് എന്നിവർ സംബന്ധിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.