താമരശ്ശേരി: പൊതുവിദ്യാലയങ്ങളിലെ കോവിഡ് പ്രതിരോധ പ്രവര്‍ത്തനങ്ങളുടെ ഭാഗമായി എം.ഇ.എസ് ജില്ല കമ്മിറ്റി ആഭിമുഖ്യത്തില്‍ വിദ്യാര്‍ഥികള്‍ക്ക് പ്രതിരോധ കിറ്റുകള്‍ നല്‍കി. താമരശ്ശേരി ജി.വി.എച്ച്.എസ് സ്‌കൂളില്‍ സാനിറ്റൈസര്‍, സോപ്പ്, ഡെറ്റോള്‍, മാസ്‌ക്കുകള്‍, ശുചീകരണ ലായനി ഉള്‍പ്പെടുന്ന കിറ്റുകള്‍ ജില്ല വൈസ് പ്രസിഡൻറ് കെ.എം.ഡി. മുഹമ്മദ്, പ്രിന്‍സിപ്പല്‍ ബിന്ദു വി. ജോര്‍ജിന് നല്‍കി ഉദ്ഘാടനം നിര്‍വഹിച്ചു. ജില്ലയിലെ സര്‍ക്കാര്‍ -എയ്ഡഡ് വിദ്യാലയങ്ങളിലെ നൂറു കണക്കിന് വിദ്യാർഥികള്‍ക്കും അധ്യാപകര്‍ക്കും പദ്ധതി ഉപകാരപ്പെടും. പരിപാടിയില്‍ എം.ഇ.എസ് യൂത്ത് വിങ് ജില്ല സെക്രട്ടറി ആര്‍.കെ. ഷാഫി അധ്യക്ഷത വഹിച്ചു. പി.ടി. എ പ്രസിഡൻറ് പി.എം. അബ്ദുല്‍ മജീദ്, എസ്.എം.സി ചെയര്‍മാന്‍ എ.ടി. സുരേശന്‍, ഹെഡ്മാസ്റ്റര്‍ മനോജ് കുമാര്‍, താമരശ്ശേരി പ്രസ്ക്ലബ് പ്രസിഡൻറ് ഉസ്മാന്‍ പി. ചെമ്പ്ര, പി.ടി.എ പ്രതിനിധികളായ അഷ്റഫ് കോരങ്ങാട്, ലൈജു തോമസ്, വിനോദ്, മധുസൂദനന്‍, കെ. ഫിനോസ്, എസ്. അബ്ദുല്‍ സലാം, ഹബീബ് റഹ്മാന്‍, അനില്‍കുമാര്‍ എന്നിവര്‍ സംബന്ധിച്ചു. പി.ടി. അബ്ദുറഹ്മാന്‍ സ്വാഗതവും അഡ്വ. നസീര്‍ നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.