കൂത്തുപറമ്പ്: നഗരസഭ, കൃഷിഭവൻ എന്നിവയുടെ നേതൃത്വത്തിൽ സംഘടിപ്പിച്ചു. ടൗൺ ഹാളിൽ നടന്ന ചന്തയിൽ നിരവധി കർഷകരാണ് കാർഷിക ഉൽപന്നങ്ങൾ വിൽക്കാനും വാങ്ങാനുമായി എത്തിയത്. കാലവർഷം പടിവാതിൽക്കൽ എത്തിനിൽക്കെ ഇടനിലക്കാരില്ലാതെ നടീൽ വസ്തുക്കൾ കർഷകർക്ക് ലഭ്യമാക്കുന്നതി‍ൻെറ ഭാഗമായാണ് ചന്ത സംഘടിപ്പിച്ചത്. ഗുണമേന്മയുള്ള വിത്തിനങ്ങളാണ് ന്യായവിലക്ക് ലഭ്യമായത്. ഇഞ്ചി, മഞ്ഞൾ, ചേന, ചേമ്പ് എന്നിവയുടെ വിത്തുകളാണ് മേളയിൽ പ്രധാനമായും ലഭ്യമായത്. മികച്ച ഇനം തെങ്ങിൻ തൈകൾ, കവുങ്ങിൻ തൈകൾ, മാവ്, പ്ലാവ്, കുരുമുളക് എന്നിവയുടെ തൈകളും വാഴക്കന്നും വിൽപനക്കെത്തിച്ചിരുന്നു. കൂത്തുപറമ്പ് നഗരസഭ ചെയർമാൻ എം. സുകുമാരൻ ഉദ്ഘാടനം നിർവഹിച്ചു. സ്റ്റാൻഡിങ് കമ്മിറ്റി ചെയർമാൻ കെ.വി. രജീഷ് അധ്യക്ഷത വഹിച്ചു. കൃഷി ഓഫിസർ ടി.ടി. ബുഷ്റ, അസി. കൃഷി ഓഫിസർ കെ. സത്യരാജ്, നഗരസഭ കൗൺസിലർ കെ. അജിത തുടങ്ങിയവർ സംസാരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.