താമരശ്ശേരി: അനധികൃതമായി ചന്ദനമരങ്ങള്‍ മുറിച്ചു കടത്തിയ കേസില്‍ മൂന്നു പേരെ താമരശ്ശേരി ഫോറസ്റ്റ് അധികൃതര്‍ പിടികൂടി. കൂടത്തായ് അമ്പലക്കുന്ന് അഖിനീഷ് (21), കിഴക്കോത്ത് ചാലില്‍ അബ്ദുൽ അസീസ് (34), താമരശ്ശേരി അരേറ്റും കുന്നുമ്മല്‍ അബ്ദുല്‍ സലാം (28) എന്നിവരാണ് അറസ്റ്റിലായത്. കരിയാത്തന്‍കാവ് ക്ഷേത്രത്തി‍െൻറ ഉടമസ്ഥതയിലുള്ള സ്ഥലത്തുനിന്ന് ആറ് ചന്ദന മരമാണ് മുറിച്ചു കടത്തിയത്. ഇക്കഴിഞ്ഞ 12നാണ് കേസിനാസ്പദമായ സംഭവം. അബ്ദുൽ അസീസി‍െൻറ മാരുതി കാറി‍െൻറ ഡിക്കിയില്‍ സൂക്ഷിച്ചാണ് ചന്ദനം കടത്തിയതെന്ന് അധികൃതര്‍ പറഞ്ഞു. താമരശ്ശേരി റേഞ്ച് ഫോറസ്റ്റ് ഓഫിസര്‍ സി. അബ്ദുൽ ലത്തീഫി‍െൻറ നേതൃത്വത്തില്‍ എം.കെ. രാജീവ് കുമാര്‍, കെ.പി. അബ്ദുൽ ഗഫൂർ, സി. അസ്‌ലം, പി. ജലീസ് എന്നിവരടങ്ങിയ സംഘമാണ് അറസ്റ്റ് ചെയ്തത്. കോടതിയില്‍ ഹാജരാക്കി റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.