കൊടുവള്ളി: ലൈബ്രറി കൗണ്സില് സംസ്ഥാനതല സര്ഗോത്സവത്തില് ഹൈസ്കൂള് വിഭാഗം മോണോആക്ട് മത്സരത്തില് ഒന്നാംസ്ഥാനം നേടി നാടിെൻറ അഭിമാനമായിരിക്കുകയാണ് നിയതി താര. കെ.ആര്. മീരയുടെ 'ആരാച്ചാർ' നോവലിലെ കഥാപാത്രങ്ങള്ക്ക് ജീവന് പകര്ന്നാണ് എളേറ്റിൽ വട്ടോളി സ്വദേശിയായ ഈ മിടുക്കി മികച്ച നേട്ടം കൈവരിച്ചത്. എളേറ്റില് ഗ്രാമീണവായനശാല ബാലവേദിയുടെ പ്രതിനിധിയായാണ് നിയതി താര മാറ്റുരച്ചത്. ജില്ല സര്ഗോത്സവത്തില് ഹൈസ്കൂള് വിഭാഗം മോണോആക്ട് മത്സരത്തില് എ ഗ്രേഡും ഒന്നാം സ്ഥാനവും നേടിയാണ് ഈ മിടുക്കി സംസ്ഥാനതലത്തിലേക്ക് യോഗ്യത നേടിയത്. നിരവധി നാടകങ്ങളിലും കലാജാഥകളിലും മികച്ച പ്രകടനം കാഴ്ചവെക്കുന്ന കലാകാരികൂടിയായ നിയതി താര, എളേറ്റില് വട്ടോളി എം.ജെ ഹയര്സെക്കൻഡറി സ്കൂളിലെ ഒമ്പതാംക്ലാസ് വിദ്യാര്ഥിനിയാണ്. ദേശീയ അംഗീകാരം നേടിയ നാടകമായ 'നൊണ'യിലെ അഭിനേതാവായ ടി.പി. അനില്കുമാറിെൻറ മകളാണ്. ഫോട്ടോ Kdy-3 niyathi thaara.jpg നിയതി താര
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.