മേപ്പയൂർ: മേപ്പയൂർ ജി.വി.എച്ച്.എസ്.എസിന് ഹയർ സെക്കൻഡറി പരീക്ഷയിൽ മികച്ച വിജയം. 24 വിദ്യാർഥികൾ മുഴുവൻ വിഷയങ്ങളിലും എ പ്ലസ് നേടി 92 ശതമാനം വിജയം കരസ്ഥമാക്കി. 22 വിദ്യാർഥികൾക്ക് ഒരു വിഷയത്തിൽ മാത്രം എ പ്ലസ് നഷ്ടപ്പെട്ടു. ആകെ 299 വിദ്യാർഥികളെ പരീക്ഷക്കിരുത്തിയ സ്കൂളിൽ 275 വിദ്യാർഥികളെ വിജയിപ്പിക്കാനായി. സയൻസ് വിഭാഗത്തിൽ 97 ശതമാനവും കോമേഴ്സിൽ 90 ശതമാനവും ഹ്യുമാനിറ്റീസ് വിഭാഗത്തിൽ 88 ശതമാനവും വിജയം നേടി. ജന്മനാ സെറിബ്രൽ പാൾസി എന്ന രോഗം പിടിപെട്ട് വീൽചെയറിലായ എ.കെ. ശാരിക എന്ന വിദ്യാർഥിനിയുടെ ഫുൾ എ പ്ലസ് വിജയം സ്കൂളിന് ഇരട്ടി മധുരമായി. ഒരുവിധ ഗ്രേസ് മാർക്കിെൻറയും സഹായമില്ലാതെയാണ് ഈ നേട്ടം. തികച്ചും ഗ്രാമീണ പശ്ചാത്തലമുള്ള വിദ്യാർഥികൾ പഠിക്കുന്ന ഈ സ്കൂളിെൻറ മികച്ച വിജയം മേപ്പയൂരിെൻറ അഭിമാന നേട്ടമാണ്. അധ്യാപകരുടെയും വിദ്യാർഥികളുടെയും കൂട്ടായ പ്രവർത്തനത്തിെൻറ ഫലമായാണ് ഈ വിജയം കൈവരിക്കാനായതെന്ന് പ്രിൻസിപ്പൽ എ.എം. സുധാകരൻ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.