താമരശ്ശേരി: താഴെ പരപ്പന്‍പൊയില്‍- അണ്ടോണ റോഡ് പണി ഗുണമേന്മയില്ലെന്നാരോപിച്ച് നാട്ടുകാര്‍ നിര്‍ത്തിവെപ്പിച്ചു. താഴെ പരപ്പന്‍പൊയിലില്‍നിന്നും ആരംഭിക്കുന്ന റോഡിൽ കയറ്റമുൾപ്പെടെയുള്ള ഭാഗം ദിവസങ്ങൾക്കുമുമ്പ് ടാറിങ് നടത്തിയിരുന്നു. റോഡിെൻറ അരികുഭാഗം കഴിഞ്ഞ ദിവസങ്ങളിലെ ശക്തമായ മഴയില്‍ തകര്‍ന്ന നിലയിലാണ്. ചിലയിടങ്ങള്‍ ഒലിച്ചുപോയിട്ടുണ്ട്. ഓവു ചാല്‍ നിർമിക്കാതെ റോഡിെൻറ ഇരുഭാഗത്തും ബോളറുകളിട്ട് വീതിക്കൂട്ടി ടാറിങ് നടത്തുകയായിരുന്നു. ശക്തമായ മഴയില്‍ വെള്ളം റോഡിലൂടെ ഒലിച്ചിറങ്ങി ദേശീയപാതയിലേക്ക് പരന്നൊഴുകുന്ന സ്ഥിതിയാണ്. നിർമാണത്തിനാവശ്യമായ വസ്തുക്കള്‍ ഉപയോഗിക്കാത്തതാണ് റോഡിെൻറ തകര്‍ച്ചക്ക് കാരണമെന്ന് നാട്ടുകാര്‍ ആരോപിച്ചു. ഇതു സംബന്ധിച്ച് ജില്ല കലക്ടര്‍ക്കും പി.ഡബ്ല്യൂ.ഡി അധികൃതര്‍ക്കും നാട്ടുകാര്‍ പരാതി നല്‍കിയിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.