അത്തോളി: അന്നശ്ശേരി-കോഴിക്കോട് റൂട്ടിലോടുന്ന അഞ്ച് ബസുകളുടെ ഗ്ലാസുകൾ തകർത്തു. അൽബ, തമ്പുരാൻ, എം.പി.ജി, പൗർണമി, എടക്കരയിലുള്ള വിക്ടറി എന്നീ ബസുകളുടെ ഗ്ലാസുകളാണ് ഞായറാഴ്ച രാത്രി തകർത്തത്. ബസുകൾ ട്രിപ് കഴിഞ്ഞ് അന്നശ്ശേരി പാലത്തിന് സമീപം നിർത്തിയിട്ടതായിരുന്നു. എല്ലാ ബസുകളുടെയും മുൻഭാഗത്തെ ഗ്ലാസാണ് തകർക്കപ്പെട്ടത്. ബസുകളുടെ ഗ്ലാസുകൾ തകർത്തതിൽ പ്രതിഷേധിച്ച് അന്നശ്ശേരി-കോഴിക്കോട് റൂട്ടിലോടുന്ന മറ്റു ബസുകൾ തിങ്കളാഴ്ച ഓടിയില്ല. ബസുകളോടാത്തതിനാൽ ഈ റൂട്ടിലെ യാത്രക്കാർ ദുരിതത്തിലായി. എലത്തൂർ എസ്.ഐ മുരളീധരെൻറ നേതൃത്വത്തിൽ അന്വേഷണം തുടങ്ങി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.