കോഴിക്കോട്: നഴ്‌സിങ് രംഗത്തെ മികവിനുള്ള എൻ.എ.ബി.എച്ച് നഴ്‌സിങ് എക്‌സലൻസ് സർട്ടിഫിക്കേഷൻ കോഴിക്കോട് ബേബി മെമ്മോറിയൽ ഹോസ്പിറ്റലിന് ലഭിച്ചതായി ഹോസ്പിറ്റൽ ചെയർമാൻ ഡോ. കെ.ജി. അലക്സാണ്ടർ വാർത്തസമ്മേളനത്തിൽ അറിയിച്ചു. നഴ്‌സിങ് കെയർ, നഴ്‌സിങ് റിസോഴ്‌സ് മാനേജ്‌മെൻറ്, എജുക്കേഷൻ, കമ്യൂണിക്കേഷൻ ആൻഡ് ഗൈഡൻസ്, മാനേജ്‌മെൻറ് ഓഫ് മെഡിക്കേഷൻ, എംപവർമെൻറ് ആൻഡ് ഗവേണൻസ് ഓഫ് നഴ്‌സിങ് ക്വാളിറ്റി ഇൻഡിക്കേറ്റേഴ്‌സ്, ഇൻഫെക്ഷൻ കൺട്രോൾ പ്രാക്ടിസസ് എന്നിവയിൽ ആശുപത്രി പുലർത്തുന്ന അന്താരാഷ്ട്ര നിലവാരം പരിഗണിച്ചാണ് ഈ സർട്ടിഫിക്കേഷൻ ലഭിച്ചിരിക്കുന്നത്. വ്യാഴാഴ്ച വൈകീട്ട് 3.30ന് ആശുപത്രിയിൽ നടക്കുന്ന ചടങ്ങിൽ ക്വാളിറ്റി കൗൺസിൽ ഓഫ് ഇന്ത്യ നഴ്‌സിങ് സീനിയർ ഡയറക്ടർ ഡോ. ഗായത്രി വ്യാസ്‌ മഹിൻഡ്രൂ എക്‌സലൻസ് സർട്ടിഫിക്കേഷൻ ബേബി മെമ്മോറിയൽ ഹോസ്പിറ്റലിന് കൈമാറുമെന്നും അദ്ദേഹം പറഞ്ഞു. വാർത്തസമ്മേളനത്തിൽ ഡോ. വിനീത് എബ്രഹാം, ഡോ. റോസ്ലി തോമസ്, ഡോ. ഗ്രേസി മത്തായി എന്നിവർ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.