കോഴിക്കോട്: ഭരണസൗകര്യാർഥം കെ.എസ്.ആർ.ടി.സിയെ സംസ്ഥാനത്ത് മൂന്നു മേഖലകളായി തിരിച്ചതിൽ കോഴിക്കോട് മേഖലയുടെ ഉദ്ഘാടനം തിങ്കളാഴ്ച നടക്കും. രാവിലെ ഒമ്പതിന് മാവൂർ റോഡ് ഡിപ്പോ പരിസരത്താണ് ഉദ്ഘാടന പരിപാടികൾ. ഗതാഗത മന്ത്രി എ.െക. ശശീന്ദ്രൻ ഉദ്ഘാടനം നിർവഹിക്കും. എ. പ്രദീപ് കുമാർ എം.എൽ.എ അധ്യക്ഷത വഹിക്കും. നിലവിലെ വടക്കൻ മേഖല എക്സിക്യൂട്ടിവ് ഡയറക്ടർ സി.വി. രാജേന്ദ്രൻ കോഴിക്കോട് മേഖല മേധാവിയായി ചുമതലയേൽക്കും. മേഖല ഒാഫിസർ ജോഷി ജോൺ ഒാപറേഷൻ മേധാവിയായും മുഹമ്മദ് സഫറുല്ല സാേങ്കതിക വിഭാഗം മേധാവിയായും ഭരണവിഭാഗം മേധാവിയായി പി. രാജീവനും ചുമതലയേൽക്കും. കാസർകോട് മുതൽ പാലക്കാട് വരെയുള്ള ആറു ജില്ലകളാണ് വടക്കൻ മേഖലയിൽ ഉൾപ്പെടുക. നേരത്തേ കോഴിക്കോട്, വയനാട്, കണ്ണൂർ, കാസർകോട് ജില്ലകളായിരുന്നു കോഴിക്കോട് മേഖലയിൽ ഉൾപ്പെട്ടത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.