പുനലൂർ: ബി.ജെ.പി പ്രവർത്തകെൻറ വീട്ടിൽ സൂക്ഷിച്ച നാടൻ ബോംബ് പൊട്ടിത്തെറിച്ച് വീടിന് നാശം. ഇടമൺ 34 ചാഴിപുറത്ത് സജീവിെൻറ വീടാണ് നശിച്ചത്. ബുധനാഴ്ച വൈകീട്ട് നാലോടെയായിരുന്നു ഉഗ്ര ശബ്ദത്തോടെ സ്ഫോടനമുണ്ടായത്. ഈസമയം സജീവും ഭാര്യയും വീട്ടിലുണ്ടായിരുന്നു. ആസ്ബറ്റോസ് മേഞ്ഞ വീടിെൻറ മേൽക്കൂര തകർന്നു. അതേസമയം സംഭവം നടന്ന് അധികം വൈകാതെ ബോംബിെൻറ അവശിഷ്ടങ്ങൾ നീക്കംചെയ്ത് മേൽക്കൂരയിൽ പുതിയ ഷീറ്റും ഇട്ടശേഷം സജീവും കുടുംബവും വീട് പൂട്ടി സ്ഥലംവിട്ടു. പരിസരവാസികൾ അറിയിച്ചതനുസരിച്ച് തെന്മല പൊലീസ് സ്ഥലത്തെത്തി. വീട്ടുപരിസരത്തുനിന്ന് ബോംബിെൻറ അവശിഷ്ടങ്ങൾ ശേഖരിച്ചു. സജിവിനെതിരെ കേസെടുത്തു. സജീവിനെ കസ്റ്റഡിയിൽ കിട്ടിയാലേ കൂടുതൽ വിവരങ്ങൾ ലഭ്യമാകൂവെന്ന് പൊലീസ് പറഞ്ഞു. ബോംബ് ഉണ്ടാക്കുന്നതിനിടെ പൊട്ടിത്തെറിച്ചതാകാമെന്ന് പൊലീസ് പറയുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.