കൊയിലാണ്ടി: ദേശീയ പാതയിൽ നിർത്തിയിട്ട സ്കൂൾ ബസിനു മുകളിൽ മരം വീണതിനെ തുടർന്ന് മണിക്കൂറുകളോളം ഗതാഗതം തടസ്സപ്പെട്ടു. ബസിൽ ആരും ഉണ്ടായിരുന്നില്ല. തിരുവങ്ങൂർ കാലിത്തീറ്റ ഫാക്ടറിക്കു സമീപം നിർത്തിയിട്ട കാപ്പാട് ഇലാഹിയ ഹയർ സെക്കൻഡറി സ്കൂളിെൻറ ബസിന് മുകളിലാണ് മരംവീണത്. ഉച്ചക്ക് രേണ്ടാടെയാണ് സംഭവം. ശിഖരങ്ങൾ 110 കെ.വി വൈദ്യുതി ലൈനിൽ വീണെങ്കിലും അത്യാഹിതം ഒഴിവായി. നാട്ടുകാർ, ഫയർഫോഴ്സ്, പൊലീസ് എന്നിവരുടെ നേതൃത്വത്തിൽ മരം മുറിച്ചുനീക്കിയശേഷം ഗതാഗതം പുനഃസ്ഥാപിച്ചു. കൊയിലാണ്ടി അഗ്നിശമന യൂനിറ്റിെൻറ പ്രവർത്തനത്തിന് സ്റ്റേഷൻ ഓഫിസർ സി.പി. ആനന്ദൻ, ലീഡിങ് ഫയർമാൻമാരായ പി.കെ. ബാബു, വി. വിജയൻ, ഫയർമാന്മാരായ വി.വി. ജയൻ, ഫയർമാൻമാരായ ടി. വിജീഷ്, മുഹമ്മദ് ഗുൽസാദ്, ഡ്രൈവർ പ്രശാന്ത്, ഹോം ഗാർഡുമാരായ നാരായണൻ, സത്യൻ എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.