കോഴിക്കോട്: ജനാധിപത്യവും മതനിരപേക്ഷതയും പരിരക്ഷിക്കാനുള്ള ചുമതലയുള്ള കേന്ദ്ര ഭരണാധികാരികൾ തന്നെ അവക്കെതിരായി നീങ്ങുന്നതിനാണ് വർത്തമാനകാലം സാക്ഷ്യംവഹിക്കുന്നതെന്ന് മന്ത്രി രാമചന്ദ്രൻ കടന്നപ്പള്ളി അഭിപ്രായപ്പെട്ടു. യൂത്ത് കോൺഗ്രസ്-എസ് സംസ്ഥാന കമ്മിറ്റിയുടെ ആഭിമുഖ്യത്തിൽ സംഘടിപ്പിച്ച ആവിഷ്കാര സ്വാതന്ത്ര്യ സംരക്ഷണ ദിനാചരണ ചടങ്ങ് വിഡിയോ കോൺഫറൻസിലൂടെ ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി. യൂത്ത് കോൺഗ്രസ്-എസ് സംസ്ഥാന പ്രസിഡൻറ് സന്തോഷ് കാല അധ്യക്ഷത വഹിച്ചു. 'മതേതരത്വവും വർത്തമാനകാലവും' സിേമ്പാസിയം കോൺഗ്രസ്-എസ് സംസ്ഥാന ജന. സെക്രട്ടറി യു. ബാബു ഗോപിനാഥും ഉദ്ഘാടനം ചെയ്തു. കെ.പി.സി.സി.എസ് ജനറൽ സെക്രട്ടറി മാത്യൂസ് കോലഞ്ചേരി, കോൺഗ്രസ്-എസ് ജില്ല പ്രസിഡൻറ് സി. സത്യചന്ദ്രൻ, മലപ്പുറം ജില്ല പ്രസിഡൻറ് കാവറോടി മുഹമ്മദ്, സംസ്ഥാന നിർവാഹകസമിതി അംഗം സി.പി. ഹമീദ്, കെ.എസ്.യു-എസ് സംസ്ഥാന പ്രസിഡൻറ് റെനീഷ് മാത്യു, യൂത്ത് കോൺഗ്രസ്-എസ് സംസ്ഥാന സെക്രട്ടറി പോൾസൺ സി. പീറ്റർ തുടങ്ങിയവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.