കക്കട്ടിൽ: ലോകമെമ്പാടും ഏപ്രിൽ മാസം ഓട്ടിസം അവബോധ മാസമായി ആചരിക്കുമ്പോൾ, കുന്നുമ്മൽ ബി.ആർ.സിയുടെ നേതൃത്വത്തിൽ വടകര റൈഡേഴ്സുമായി കൈകോർത്ത് വടകര മുതൽ കക്കട്ട് വരെയും കക്കട്ട് മുതൽ വടകര വരെയും ഓട്ടിസം ബോധവത്കരണ സൈക്കിൾ റാലി സംഘടിപ്പിച്ചു. 50 കി.മീറ്റർ റാലിയിൽ 15 പേർ പങ്കുചേരുകയും ഓട്ടിസത്തെക്കുറിച്ചുള്ള ബോധവത്കരണ ലഘുലേഖകൾ വിതരണം ചെയ്യുകയും ചെയ്തു. യാത്രയുടെ ഫ്ലാഗ്ഓഫ് മോട്ടോർ വെഹിക്കിൾ ഇൻസ്പെക്ടർ പി.കെ. സജീഷ് നിർവഹിച്ചു. യാത്രസംഘത്തിന് സ്നേഹ പാലിയേറ്റിവ് കക്കട്ടിൽ സ്വീകരണം നൽകി. ഗ്രാമപഞ്ചായത്ത് പ്രസിഡൻറ് കെ.ടി. രാജൻ, അബ്ദുറഹ്മാൻ ഹാജി, സി.കെ. ഖാസിം, സി. സൂപ്പി, റഷീദ് പി.കെ, കെ.കെ. ഫൈസൽ, അൻഫാസ് എന്നിവർ സംബന്ധിച്ചു. യാത്ര ക്യാപ്റ്റൻ സജീഷ്, കെ. ദിനേശൻ, എസ്.ജി. ശ്രീജിഷ് എന്നിവർ സംസാരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.