നരിക്കുനി: കാലിക്കറ്റ് യൂനിവേഴ്‌സിറ്റി ബി.എസ്സി സൈക്കോളജി ആറാം സെമസ്റ്റര്‍ പരീക്ഷയുടെ രണ്ട് പേപ്പറുകളിൽ പഴയ സിലബസിലുള്ള ചോദ്യങ്ങള്‍ ഉള്‍പ്പെടുത്തിയതിനെതിരെ പരാതിയുമായി വിദ്യാര്‍ഥികള്‍. കഴിഞ്ഞ മാസം 21ന് നടന്ന അപ്ലൈഡ് സോഷ്യല്‍ സൈക്കോളജി (ചോദ്യപേപ്പര്‍ കോഡ്: ഡി 40109), 26ന് നടന്ന പേഴ്‌സനാലിറ്റി സൈക്കോളജി (ചോദ്യപേപ്പര്‍ കോഡ്: ഡി 40112) എന്നീ പരീക്ഷകളുടെ ചോദ്യപേപ്പറുകളിലാണ് പഴയ സിലബസില്‍ നിന്നുള്ളവ കയറിക്കൂടിയത്. അപ്ലൈഡ് സോഷ്യല്‍ സൈക്കോളജി പേപ്പറില്‍ 10, 16, 17, 18, 21, 26, 28 നമ്പർ ചോദ്യങ്ങളാണ് സിലബസിന് പുറത്ത് നിന്നുള്ളത്. ആകെ 22 മാര്‍ക്കിനുള്ളവയാണ് ഈ ചോദ്യങ്ങള്‍. അതുപോലെ പേഴ്‌സനാലിറ്റി സൈക്കോളജി ചോദ്യപേപ്പറില്‍ 23, 24, 25, 26 ചോദ്യങ്ങള്‍ പുതുക്കിയ സിലബസിലില്ലാത്തവയാണ്. ആകെ 20 മാര്‍ക്ക് നേടാവുന്നതാണ് ഈ ചോദ്യങ്ങള്‍. വിദ്യാര്‍ഥികള്‍ക്ക് അനുകൂലമായ നടപടി സ്വീകരിക്കണമെന്നാവശ്യപ്പെട്ട് ഒരു കൂട്ടം വിദ്യാര്‍ഥികള്‍ കലിക്കറ്റ് യൂനിവേഴ്‌സിറ്റി പരീക്ഷ കണ്‍ട്രോളര്‍ക്ക് പരാതി നല്‍കിയിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.