ഫറോക്ക്: ഹർത്താലിനിടെ പൊലീസിനെ ആക്രമിച്ച കേസിൽ ഒരാൾകൂടി അറസ്റ്റിലായി. പോപുലർ ഫ്രണ്ട് ഓഫ് ഇന്ത്യയുടെ ബേപ്പൂർ ഡിവിഷൻ പ്രസിഡൻറ് നല്ലളം കളരിക്കൽ സജീറിനെയാണ് (34) ബേപ്പൂർ പൊലീസ് അറസ്റ്റ്ചെയ്തത്. ഉച്ചക്ക് ഒരുമണിയോടെയാണ് ബേപ്പൂർ ഹൈസ്കൂളിനടുത്തുള്ള അക്ഷയ സെൻററിനടുത്തു വെച്ച് ഇയാൾ പിടിയിലാകുന്നത്. കഴിഞ്ഞ തിങ്കളാഴ്ച നടന്ന ഹർത്താലിൽ പൊലീസിനെ ൈകയേറ്റം ചെയ്തു, നിർബന്ധപൂർവം കടകളടപ്പിച്ചു, അന്യായമായി സംഘം ചേർന്നു, പൊലീസിെൻറ കൃത്യനിർവഹണം തടസ്സപ്പെടുത്തി എന്നിവയാണ് ഇയാൾക്കെതിരെ ചുമത്തിയ കുറ്റം. പ്രതിയെ ഇൗ മാസം 30 വരെ റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.