ബേപ്പൂർ: അയൽവാസിയുടെ മർദനമേറ്റ് പരിക്കേറ്റയാളെ ആശുപത്രിയിൽ പ്രവേശിപ്പിച്ചു. ബേപ്പൂർ ആർ.എം ഹോസ്പിറ്റലിന് പടിഞ്ഞാറു ഭാഗത്ത് താമസിക്കുന്ന കോട്ടോളി ശങ്കരെൻറ മകൻ പ്രദീപ് കുമാറിനെ (47) അയൽവാസിയായ കോടമ്പാട്ടിൽ ബാബുവിെൻറ മകൻ സുബീഷ് മർദിച്ചതായാണ് പരാതി. ഞായറാഴ്ച വൈകീട്ട് നാലു മണിക്കാണ് സംഭവം. സുബീഷിെൻറ പുരയിടത്തിലെ തെങ്ങിൽനിന്ന് തെൻറ വീടിന് മുകളിലേക്ക് തേങ്ങ വീഴുന്നത് ചോദ്യം ചെയ്തപ്പോൾ ക്ഷുഭിതനായ സുബീഷ് മർദിക്കുകയായിരുന്നുവത്രെ. തടയാൻ ശ്രമിച്ച പ്രദീപ്കുമാറിെൻറ ഭാര്യക്കും മർദനമേറ്റു. പരിക്കേറ്റ പ്രദീപ്കുമാറിനെ നാട്ടുകാരാണ് സ്വകാര്യ ആശുപത്രിയിൽ പ്രവേശിപ്പിച്ചത്. സംഭവത്തിൽ സുബീഷിനെതിരെ ബേപ്പൂർ പൊലീസിൽ പ്രദീപ്കുമാർ പരാതി നൽകി. ഇതിനിടെ മദ്യപിച്ച് ബഹളമുണ്ടാക്കിയതിന് സുബീഷിെൻറ പേരിൽ ബേപ്പൂർ പൊലീസ് സ്വമേധയാ കേസെടുത്തിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.