സ്കൂൾ ബസ് നിയന്ത്രണംവിട്ട് ഇന്നോവ കാറിൻെറ പിന്നിലിടിച്ചു തിരുവല്ല: കുട്ടികളുമായി പോയ സ്കൂൾ ബസ് നിയന്ത്രണംവിട്ട് ഇന്നോവ കാറിൻെറ പിന്നിലിടിച്ചു. ഇടിയുടെ ആഘാതത്തിൽ നിയന്ത്രണം നഷ്ടപ്പെട്ട ഇന്നോവ വഴിയരികിൽ നിർത്തിയിട്ടിരുന്ന കാറിലും ഓട്ടോയിലും ഇടിച്ചു. അപകടത്തിൽ കാർ ഡ്രൈവറുടെ തലക്ക് നിസ്സാര പരിക്കേറ്റു. കാറിൻെറ പിൻവശം പൂർണമായും തകർന്നു. ശനിയാഴ്ച രാവിലെ 8.45ന് കോട്ടൂർ പുന്നിലത്തായിരുന്നു അപകടം. പുന്നിലത്ത് മണ്ണാട്ട് റെജിക്കാണ് (46) പരിക്കേറ്റത്. ബസിലുണ്ടായിരുന്ന വിദ്യാർഥികൾ പരിക്കേൽക്കാതെ രക്ഷപ്പെട്ടു. പുന്നിലം കവലയോട് ചേർന്ന് ഇറക്കമുള്ള ഭാഗത്ത് ബ്രേക്ക് തകരാറിലായതിനെ തുടർന്ന് നിയന്ത്രണം നഷ്ടമായ ബസ് മുമ്പേ പോവുകയായിരുന്ന കാറിൻെറ പിന്നിൽ ഇടിക്കുകയായിരുന്നു. ഇതേ തുടർന്നായിരുന്നു കൂട്ടയിടി. പരിക്കേറ്റ റെജിയെ കവിയൂർ പ്രാഥമികാരോഗ്യ കേന്ദ്രത്തിലെത്തിച്ച് ചികിത്സ തേടി. മുണ്ടിയപ്പള്ളി സി.എം.എസ് സ്കൂളിലെ ബസാണ് അപകടത്തിനിടയാക്കിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.