ജലന്ധർ: ബിഷപ് ഫ്രാേങ്കാ മുളയ്ക്കലിനെതിരെ കുറ്റപത്രം സമർപ്പിക്കുന്ന ദിവസമായ ചൊവ്വാഴ്ച പ്രാർഥനദിനമായി ആചരിക്കാൻ ജലന്ധർ രൂപത. വൈദികർക്കും വിശ്വാസികൾക്കും അഡ്മിനിസ്ട്രേറ്റർ ബിഷപ് ഇതുസംബന്ധിച്ച് സന്ദേശമയച്ചു. കേസിലെ സത്യം പുറത്തുവരാൻ എല്ലാവരും പ്രാർഥിക്കണമെന്നാണ് ബിഷപ് ആഞ്ചലോ ഗ്രേഷ്യസിൻെറ ആഹ്വാനം. ഇതിനൊപ്പം ഹിമാചൽപ്രദേശ്, പഞ്ചാബ് എന്നിവിടങ്ങളിലെ വിശ്വാസികളുടെ വീടുകളിൽ പ്രാർഥനയും നടത്തും. ചൊവ്വാഴ്ചയാണ് ബിഷപ് ഫ്രാങ്കോക്കെതിരെ കുറ്റപത്രം സമർപ്പിക്കുന്നത്. അന്വേഷണ സംഘം കുറ്റപത്രം തയാറാക്കി ഒരുമാസം കഴിഞ്ഞാണ് ഡി.ജി.പി അനുമതി നല്‍കിയത്. പൊലീസിൻെറ ഉറപ്പിനെത്തുടർന്ന് കന്യാസ്തീകൾ കൊച്ചിയിൽ നടത്താനിരുന്ന സമരപ്രഖ്യാപന കൺവെൻഷനും മാറ്റിവെച്ചിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.