ഏറ്റുമാനൂർ: കോട്ടയം പാർലമെൻറ് മണ്ഡലത്തിൽ യു.ഡി.എഫ് സ്ഥാനാർഥിക്ക് വെല്ലുവിളിയുമായി കോണ്‍ഗ്രസ് വിമതന്‍. കോൺഗ്രസ് പ്രവർത്തകനും ഐ.എൻ.ടി.യു.സി ഭാരവാഹിയുമായ ജോർജ് ജോസഫ് മരങ്ങോലിയാണ് സ്വതന്ത്ര സ്ഥാനാർഥിയായി മത്സരിക്കാനൊരുങ്ങുന്നത്. കേരള കോൺഗ്രസ് എമ്മിന് കോട്ടയം സീറ്റ് നൽകിയതിലുള്ള പ്രതിഷേധമാണ് തെൻറ സ്ഥാനാർഥിത്വമെന്ന് ജോര്‍ജ് പറയുന്നു. 35 വർഷമായി പൊതുരംഗത്ത് പ്രവർത്തിക്കുന്നു. സാധാരണക്കാരായ കോൺഗ്രസ് പ്രവർത്തകർ തന്നോടൊപ്പം നിൽക്കും. തെരഞ്ഞെടുപ്പ് വരുമ്പോൾ അർഹതയുള്ളവരെ തഴഞ്ഞ് കൂട്ടുകച്ചവടം നടത്തുന്ന മുന്നണികളുടെ അവസരവാദ നയം അവസാനിപ്പിക്കണമെന്നും എത്ര സമ്മർദമുണ്ടായാലും മത്സരരംഗത്ത് ഉറച്ചുനിൽക്കുമെന്നും ജോർജ് ജോസഫ് മരങ്ങോലി പറഞ്ഞു. കോൺഗ്രസ് മുൻ ബ്ലോക്ക് സെക്രട്ടറി, ഐ.എൻ.ടി.യു.സി കാണക്കാരി മുൻ മണ്ഡലം സെക്രട്ടറി എന്നീ നിലകളിൽ ജോർജ് ജോസഫ് മരങ്ങോലി പ്രവർത്തിച്ചിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.