പത്തനംതിട്ട: പത്തുവർഷം പൂർത്തീകരിച്ച ഡി.എച്ച്.ആർ.എം എല്ലാ ജില്ലകളിലും സമ്മേളനം നടത്തുന്നതായി ചെയർപേഴ്സൺ സെലീന പ്രക്കാനം വാർത്തസമ്മേളനത്തിൽ അറിയിച്ചു. പത്തനംതിട്ട ജില്ല സമ്മേളനം 14ന് പത്തനംതിട്ടയിൽ നടക്കും. വൈകുന്നേരം മൂന്നിന് മുനിസിപ്പൽ ബസ് സ്റ്റാൻഡിന് സമീപം ചിറ്റയം ഗോപകുമാർ എം.എൽ.എ ഉദ്ഘാടനം ചെയ്യും. അടൂർ പ്രകാശ് എം.എൽ.എ മുഖ്യാതിഥിയായിരിക്കും. 'കൃഷിഭൂമിയും പട്ടികവിഭാഗവും' വിഷയം സെലീന പ്രക്കാനം അവതരിപ്പിക്കും. ജില്ല കൺവീനർ വി.കെ. സോമരാജൻ അധ്യക്ഷതവഹിക്കും. വൈകീട്ട് ഏഴിന് നാടൻ കലാമേളയും ഉണ്ടാകും. ഡി.എച്ച്.ആർ.എം വൈസ് ചെയർമാൻ അജയൻ പുളിമാത്ത്, സംസ്ഥാന കമ്മിറ്റി അംഗങ്ങളായ രതീഷ് ചൂരക്കോട്, ദിവിൻ ഗുരുവായൂർ, വി.കെ. സോമരാജൻ എന്നിവരും സംബന്ധിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.