ആലുവ: ബൈക്കിൽ തട്ടിയതിനെത്തുടർന്ന് നിർത്താതെ അമിതവേഗത്തിൽ പോയ കെണ്ടയ്നർ ലോ റി കാർ ഇടിച്ചുതകർത്തു. കാർ ഓടിച്ചയാൾ പരിക്കുകളോടെ രക്ഷപ്പെട്ടു. ദേശീയപാതയിൽ പറ വൂർ കവല ഭാഗത്ത് ചൊവ്വാഴ്ച രാത്രി 10.45 ഓടെയായിരുന്നു അപകടം. അങ്കമാലി ഭാഗത്തുനിന്ന് വരുകയായിരുന്ന കെണ്ടയ്നർ ലോറി സെമിനാരിപ്പടി ഭാഗത്താണ് ബൈക്കിൽ തട്ടിയത്. തുടർന്ന് നിർത്താതെ മുന്നോട്ട് പോകുന്നതിനിടെയാണ് പറവൂർ കവല സിഗ്നലിനടുത്ത് കാറിലിടിച്ചത്. കാർ മീഡിയനിലെ ബാരിക്കേഡിനും ലോറിക്കും ഇടയിൽ ഞെരുങ്ങി തകർന്നു.
കാർ ഓടിച്ചിരുന്ന, ദേശത്തെ ഹോട്ടലിലെ അക്കൗണ്ടൻറായ കാസർകോട് സ്വദേശി പ്രശാന്ത് (28) പരിക്കുകളോടെ രക്ഷപ്പെടുകയായിരുന്നു. അപകടം നടന്നയുടൻ പരിസരത്തുണ്ടായിരുന്നവർ എ മർജൻസി ആംബുലൻസ് ആൻഡ് െറസ്ക്യു ടീമിനെ വിവരമറിയിച്ചു. ആംബുലൻസിൽ പ്രശാന്തിനെ ആലുവ നജാത്ത് ആശുപത്രിയിൽ എത്തിച്ചു. പ്രശാന്തിെൻറ തോളെല്ലിന് പരിക്കുള്ളതായാണ് അറിയുന്നത്. അപകടത്തിൽപെട്ട ബൈക്കുകാരന് പരിക്കേറ്റതായി വിവരമില്ല.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.