ആലപ്പുഴ: ചെങ്ങന്നൂര്‍ ഉപതെരഞ്ഞെടുപ്പിൽ വിശ്വകര്‍മ ഏകോപന സമിതി സ്വതന്ത്ര സ്ഥാനാർഥിയെ മത്സരിപ്പിക്കുമെന്ന് നേതാക്കൾ വാർത്തസമ്മേളനത്തിൽ അറിയിച്ചു. അഖില ഭാരതീയ വിശ്വകര്‍മ മഹാസഭ ദേശീയ ഓര്‍ഗനൈസിങ് സെക്രട്ടറി സി. മോഹനന്‍ ആചാരിയാണ് സ്ഥാനാർഥി. ജയിക്കാനല്ല മറിച്ച് ശക്തി തെളിയിക്കാനാണ് ഉപതെരഞ്ഞെടുപ്പിനെ സമീപിക്കുന്നതെന്ന് വിശ്വകര്‍മ ഏകോപന സമിതി സ്ഥാനാർഥി സി. മോഹനന്‍ ആചാരി പറഞ്ഞു. തെരഞ്ഞെടുപ്പുമായി ബന്ധപ്പെട്ട് ദേവദാസ് വിഭാഗം നടത്തുന്ന പ്രസ്താവനകൾ അബദ്ധമാണ്. ഏപ്രില്‍ ഒന്നിന് ഉച്ചക്ക് രണ്ടിന് നിള ഓഡിറ്റോറിയത്തില്‍ തെരഞ്ഞെടുപ്പ് കണ്‍വെന്‍ഷന്‍ നടക്കും. വാർത്തസമ്മേളനത്തിൽ ജനറൽ കൺവീനർ വി. ഗോപാലകൃഷ്ണൻ, വൈസ് ചെയർമാൻ എം.ആർ. മുരളി, എസ്. ഗോവിന്ദരാജ്, ഹരി എസ്. ചാരുംമൂട് എന്നിവര്‍ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.